Ein bustad å bli gamal i

Det kan vera lurt å tenka over kva som blir viktig for deg i åra som kjem. For nokon kan det vera å gjera tilpassingar der du bur i dag. For andre kan eit heilt nytt heim vera ei betre løysing.

Korleis du trivst i heimen din handlar om meir enn den fysiske bustaden. Kanskje det er naboen eller eit tilbod i nærleiken som er viktigast for deg? Ofte kan små tilpassingar av bustaden gjera det trygt å bu heime, og for nokon kan ein ny bustad vera eit endå betra val.

Viss du har behov for å tilpassa bustaden din, er det mykje du kan og må gjere sjølv, men det er også ein del du kan få hjelp/støtte til.

Tips til kva du kan gjera sjølv

Det beste er om du startar planlegginga før behovet oppstår. Korleis er bustaden din i dag og kva kan du endra?

Trapper, vedlikehald og hagestell held deg i form. Men det kan likevel vera lurt å tenka gjennom korleis du kan få ein bustad som er funksjonell heile livet. Ein funksjonell bustad kan gjera deg meir sjølvstendig og gjera livet betre i alderdommen.

Endringar som kan vera smarte å vurdera for å få ein meir aldersvennleg bustad

Det beste er om du startar planlegginga før behovet oppstår. Korleis er bustaden din i dag og kva kan du endra?

Dersom du har trappetrinn opp til inngangsdøra, kan det i nokre tilfelle vera mogleg å gjera endringar i terrenget slik at du får eit terskelfritt inngangsparti. Alternativt kan trappa i inngangspartiet gjerast meir funksjonell ved å ha godt rekkverk på begge sider og god belysning.
Har bustaden stove, soverom, bad/vaskerom, kjøkken og inngang på ei flate?
Det er ein fordel om bad og toalett ligg nær soverom.
Å fjerne tersklar og få breiare dører (minst 90 cm) kan gjera kvardagen enklare.
Spyl- tørk toalett.
Det kan også vera lurt å undersøka moglegheitene for å få ei romslegare dusjløysing.
Enkle løysingar som eit handtak på veggen og ein krakk i dusjen, kan også bidra til å gjera deg meir sjølvhjelpt når du blir eldre.
Dersom du har moglegheit bør du ha vaskemaskin og tørketrommel på badet, i staden for i kjellaren.
På kjøkkenet er det lurt å tenka på korleis du kan få dei tinga du bruker mest tilgjengeleg i rett høgd.
Skuffer er betre enn skap. Har du plass til fryseskap på kjøkkenet, vil det vera betre enn fryseboks i kjellaren.
Røykvarslarar i alle rom/seriekopla røykvarslarar
Dersom du har trapper, bør det vera god stødig handlist på begge sider av trappa, og dessutan antiskli på trappenasen for å forhindra at du sklir.
God belysning i trapp og elles i bustaden.

Nyttige tips og tiltak du kan ordne sjølv

Fjerne filleryer og småteppe og legga sklisikring under andre teppe
Måla rom i lyse fargar
Godt lys og forenkla lysstyring
Senger og stolar som er enkle å komma ut og inn av. Dette kan gjerast med til dømes heveklossar eller aldersvenlege seng og godstol.
Dusjkrakk og antiskli til dusjen
Støttehåndtak i til dømes dusj, ved toalett og seng
Røykvarsler
Brannspray – for å sløkka mindre brannar
Timar til stikkontakt som kan skru av elektriske apparat.
Kjøkkenhjelpemiddel: lokk-opnar, tubeklemmer, komfyrvakt, bestikk med godt grep
Brodder til sko, krykker og stokk
Krykkeholder
Strømpepåtrekker
Gripetang
Elektronikk: enklare fjernkontroll til TV, nettbrett, robotstøvsuger, forenkla smarttelefon

Tips til butikkar kor du kan kjøpe enkle hjelpemidlar:

etac.no - små hjelpemidler
enklereliv.no - hjelpemidler og smarte løysingar
gymo.no - hjelpemidler
velferdsbutikken.no - hjelpemidler
power.no - store mobiltelefoner, røykvarsler, fjernkontroll, robotstøvsugar osb.

Dette kan du få hjelp og støtte til

Du kan låne hjelpemiddel frå det kommunale hjelpemiddellageret på Hjelmeland omsorgssenter eller frå Nav Hjelpemiddelsentral og søka tilskot og lån frå kommunen.

Kommunalt hjelpemiddellager

Viss du har eit kortvarig behov for hjelpemiddel på grunn av mellombels funksjonssvikt til dømes etter sjukdom eller operasjon, kan du få låna hjelpemiddel frå det kommunale hjelpemiddellageret.

Her kan du til dømes låna:

rullator
toalettforhøyer
dusjkrakk
rullestol

For utlån og spørsmål, kontakt ergoterapeut Solfrid Skjerahaug Natland på tlf. 404 39 080 eller fysioterapiavdelinga tlf. 404 39 080.

Hjelpemiddel frå Nav hjelpemiddelsentral

Viss du har varig nedset funksjonsevne (det vil seia meir enn 2 år), kan du få låna hjelpemiddel frå Nav hjelpemiddelsentral. Hjelpemiddela du får låna frå Nav er spesialutvikla for personar med ulike funksjonsnedsettingar. Du får ikkje lånt hjelpemiddel som er vanleg for befolkninga elles å ha, eller som er å få i vanleg handel (t.d enkle støttehandtak).

Det finns ei rekke ulike hjelpemiddel, til dømes:

hjelpemiddel for tilrettelegging av bustad (t.d toalettforhøyer og heis)
hjelpemiddel for rørsle og flytting (t.d rullator og rullestol)
synshjelpemiddel (lupe, lese-tv)
høyrselshjelpemiddel (røykvarslar, dørklokke)
hjelpemiddel for kognitive vanskar (t.d klokke og kalender)
hjelpemiddel for tale og språk (t.d stemmeforsterkar og talemaskin)

Les meir om Nav hjelpemiddelsentral.

Me tilrår hjelp frå ergoterapeut eller fysioterapeut

Når du skal søka om hjelpemiddel, tilrår me at du får hjelp frå ein ergoterapeut eller ein fysioterapeut. Dei vil hjelpa deg med å kartleggja behovet ditt og finna ut kva du treng.

Ergoterapeut Solfrid Skjerahaug Natland, tlf. 40439094
Fysioterapiavdelinga tlf. 404 39 080

Tilskot frå NAV

Du kan også søka NAV om tilskot til rimelege hjelpemiddel. Tilskotet er per 1. januar 2024 på 2210 kr og gjeld for 4 år.

Tilskotet er for personar med varig nedset funksjonsevne som treng spesialutvikla hjelpemiddel som ikkje er ein del av hjelpemiddelsentralen sitt sortiment. Når du skal søka om tilskot, tilrår me at du får hjelp frå ein ergoterapeut eller ein fysioterapeut. '

Ergoterapeut Solfrid Skjerahaug Natland, tlf. 40439094. Fysioterapiavdelinga tlf. 404 39 080.

Les meir om tilskotet frå NAV.

Søka finansiering til ombygging og tilpassingar

Startlån og tilskot frå kommunen

Viss du eller andre i husstanden har nedsett funksjonsevne og behov for å endra på bustaden, kan du sjekk om du kan få tilskot og/eller startlån frå kommunen. Du kan også søka om tilskot for å få greia ut og prosjektera ombygging, til dømes frå ein arkitekt. Les meir om startlån og tilskot frå kommunen.

Tilskot til tilpassing

Du kan søka om tilskot til tilpassing viss nokon i husstanden har nedsett funksjonsevne og behov for å tilpassa bustaden for å kunne bli buande.

Det er opp til kommunen å vurdera kven som skal få og kor mykje tilskot som blir gitt ut frå ei heilskapleg økonomisk vurdering.

Tilskotet kan omfatta enkle tiltak til større ombyggingar. Til dømes:

utvendig arbeid for å gi auka tilgjengelegheit
påbygging/ombygging for å få alle nødvendige rom på eitt plan
utvida døropningar/rom/korridorar og byte dører, inkludert branndør
fjerne tersklar og terskelplater
installera eller leggja til rette for velferdsteknologi
anna arbeid som er nødvendig for at personar med nedsett funksjonsevne kan halda fram med å bu heime

Tilskot til tilpassing kan givast åleine eller saman med startlån. Les meir og søk om tilskot og startlån.

Førebyggande heimebesøk 75+

Publisert 19.11.2024 10.27

Sist endra 19.11.2024 14.06