Naturmangfald handlar om både biologisk, landskapsmessig og geologisk mangfald på land og i sjø. Eit kjempestort tema med andre ord.
Kommunedelplan for naturmangfald skal gi nokre svar på kva me har og kva me skal prioritere å kartlegge framover - og den skal gi føringar for korleis me skal forhalde oss til naturverdiane i samfunnsutviklinga framover.
Planprogram
Kommunestyret har vedtatt
Planprogram for kommunedelplan for naturmangfald
Dette planprogrammet er ei slags “kokebok” for korleis sjølve planen skal utarbeidast, og framdrift for dette. Ta ein kikk i planprogrammet så finn du òg litt om kva Kommunedelplan for naturmangfald skal svare på.
Framdrift
Hausten 2024 starta planarbeidet opp. Tanken er at dette skal gå parallelt med kommuneplanens samfunnsdel framover.
Me tek sikte på å legge fram eit planforslag til politisk behandling i februar 2025, og det vedtekne forslaget blir deretter lagt ut til høyring slik at du òg kan meine noko om det.
Innspel
Det er opna opp for innspel med frist 15. desember - send ditt innspel
Du tykkjer kanskje det er vanskeleg å kome med innspel til dette planarbeidet. Då kan det vere smart å møte opp på eitt av fleire møter me skal ha i haust, så kan du få litt meir info:
Grendevise folkemøter “Hjelmeland 2036”
Det foregår fleire paralelle planprosessar utover hausten/vinteren, som alle handlar om Hjelmeland si framtid.
- Kommuneplanens samfunnsdel
- Kommunedelplan for naturmangfald
- Kommunedelplan for byggeråstoff
- "Innsatstrappa"
Kommuneleiinga vil rundt i alle grender på folkemøter. Alle møta startar kl 18.00 og varer eit par timar, og “kjøreplanen” er slik:
- 4. november Vormedalen grendahus
- 5. november Jøsneset grendahus
- 11.november Fjordahuset Jøsenfjorden
- 12. november Årdal omsorgsenter
- 13. november Randøy grendahus
- 20.november Kommunestyresalen Hjelmeland
- 21.november Fister skule
Kva er naturmangfald ?
Ein viktig del av planarbeidet er å spreie kunnskap og skape engasjement om naturen vår.
Ta gjerne turen til Vågastova i Hjelmelandvågen 6.november:
Foredraget SKOGEN -om trær, folk og 25 000 andre artar v/biolog Anne Sverdrup-Thygeson
Svanhild Hjorteland Gbada