Årsplan Fister barnehage 2023/2024

3.1 Omsorg

Barnehagen skal ivareta barna sitt behov for omsorg, jf. rammeplanen (2017):

• Omsorg er ein føresetnad for barna si tryggleik og trivsel, og for utvikling av empati og nestekjærleik.
• Barnehagen skal gje barna moglegheit til å utvikle tillit til seg sjølv og andre.
• Alle barna skal oppleve å bli sett, forstått, respektert og få den hjelp og støtte dei har behov for.
• Barnehagen skal aktivt legge til rette for omsorgsfulle relasjonar mellom barna og personalet og mellom barna, som grunnlag for trivsel, glede og meistring.

Slik gjer me det hjå oss:  

• Gje barn og foreldre ein god start på dagen
• Vise glede for at akkurat ho/han kjem
• Barnet skal bli bekrefta, forstått og verdsatt
• Ta omsyn til at barn er ulike og har ulike behov
• Omsorg og varme i alle situasjonar 

3.2 Leik

Barnehagen skal ivareta barna sitt behov for leik, jf. rammeplanen (2017):  

• Leiken skal ha ein sentral plass i barnehagen, og leiken sin eigenverdi skal verte anerkjent. 
• Barnehagen skal ha eit fysisk miljø som støttar barna si utvikling og sosiale og språklege samhandling.
• Barnehagen skal legge til rette for eit inkluderande miljø der alle barna kan oppleve glede og engasjement gjennom leik.

Slik gjer me det hjå oss:  

• Aktive og deltakande vaksne både inne og ute
• Barnehagen skal tilby variert leikemateriale
• Gje barna felles opplevingar og referanseramar
• Ha fokus på leik og vaksenrolla på personalmøter og i utviklingsarbeid
• Oppmuntre og tilføre leiken nye element
• Skjerme leiken (lukke dører)
• eikegrupper
• Felles regelleiker, t.d. raudt lys, fisken i det røde hav

3.3 Danning

Barnehagen skal fremme danning, jf. rammeplanen (2017): 

• Barnehagen skal støtte barna i å vere prøvande og nysgjerrig til omverda, og bidra til å leggje grunnlag for modig, sjølvstendig og ansvarleg deltaking i demokratiske fellesskap.
• Barnehagen skal fremme samhald og solidaritet samstundes som individuelle uttrykk og handlingar skal verte verdsett og følgd opp.
• Barnehagen skal bidra til at barna kan forstå felles verdiar og normer som er viktige for fellesskapet, og fremme barna si tilhøyrsle til samfunnet, natur og kultur.
• Barna skal få delta i prosessar ved avgjersler og utvikling av felles innhald. Barna skal støttast i å uttrykke synspunkt og skape meining i den verda dei er ein del av.

Slik gjer me det hjå oss:  

• Gode dialogar
• Vaksne som reflekterar over eigen praksis
• Gje barna relasjonar og aktivitetar som dei opplever er meiningsfylte
• Ha forventningar til barnet
• Gje barna sosial kompetanse
• Lære barna å hevde seg sjølv på ein positiv måte
• Bry seg og ha omsorg for andre 

3.4 Læring

Barnehagen skal fremme læring, jf. rammeplanen (2017): 

• Barna skal oppleve eit stimulerande og utforskande miljø som fremmer barn si nysgjerrigheit og lærelyst.
• Barnehagen skal sørge for utvikling og progresjon innanfor alle fagområda i rammeplanen.
• Barnehagen skal støtte og berike barna sine initiativ og gje dei utfordringar og tiltru til eigne evner.

Slik gjer me det hjå oss:  

• Gje barna erfaringar
• Gje barna opplevingar
• Gje barna utfordringar etter alder og modning
• God tid for leik
• Vaksne som støttar
• Vise barna tillit 

3.5 Vennskap og fellesskap

Barnehagen skal fremme vennskap og fellesskap, jf. rammeplanen (2017):

• I barnehagen skal alle barn få oppleve seg sjølve som verdifulle, få vener og bidra i eit sosialt fellesskap.
• Barna skal verte støtta i å sette eigne grenser, respektere andre sine grenser og finne løysingar i konfliktsituasjonar.
• Barnehagen skal førebygge, stoppe og følgje opp diskriminering, utestenging, mobbing, krenkingar og uheldige samspelsmønstre.

Trygt og godt barnehagemiljø i hjelmelandsbarnehagen 

Det er eit mål at alle barn skal ha det trygt og godt i barnehagen, og vere ein del av eit inkluderande barnehagemiljø. Det viktigaste arbeidet med dette skjer i barnehagekvardagen i lag med barna. Det er utarbeida ein felles plan for korleis barnehagane skal jobbe for å fremme eit trygt og godt barnehagemiljø, førebygge mobbing og anna krenkande åtferd, samt korleis dei skal handtere dette (aktivitetsplikt). Barnehagemiljø og mobbing - Hjelmeland kommune 

Slik gjer me det hjå oss:

• Alle barna skal få oppleve å høyre til
• Tilstadeverande og observerande vaksne
• Personalet støttar og rettleier barna i samspel med andre
• Hjelpe barna inn i leik
• Ved å dele barna inn i mindre grupper
• Vaksne som jevnleg arbeider med dette temaet på møter
• Samarbeide med dei føresette 

3.6 Kommunikasjon og språk

Barnehagen skal fremme kommunikasjon og språk, jf. Rammeplanen (2017): 

• Barnehagen skal støtte barna sin bruk av språk som reiskap for å tenkje og gje uttrykk for eigne meiningar og kjensler.
• Alle barn skal få god språkstimulering gjennom barnehagekvardagen.
• Barnehagen skal fange opp og støtte barn som treng ekstra støtte i si språkutvikling.

Slik gjer me det hjå oss:  

• Gode samtalar med barna
• Stille opne spørsmål
• Ta utgangspunkt i det barna er opptekne av
• Leike med bokstavar og lydar
• Tilgang på bøker
• Lesegrupper
• Rim og regler
• Song
• Spela ulike spel
• BRAVO-leiken 

3.7 Progresjon

Alle barna i barnehagen har rett til å oppleve progresjon i barnehagen sitt innhald, og få utvikle seg, lære og oppleve framgang. Me i personalet skal legge til rette for at barna møter varierte leiker, aktivitetar og læringsmoglegheiter. Barna skal få utfordringar tilpassa erfaringar, interesser, kunnskap og ferdigheiter. Barna i barnehagen skal oppleve meistring, samstundes som dei møter utfordringar dei kan strekke seg etter. Dei skal få nye erfaringar og opplevingar i barnehagen. Me skal ha varierte leiker og material som sørger for at barna opplever progresjon.