Delegeringsreglement

3.1 Ansvarsområde

Arbeids- og ansvarsområdet til formannskapet omfattar m.a.:

• Økonomisaker, m.a. behandling og innstilling av saker om økonomiplan, årsbudsjett, årsrekneskap og årsmelding
• Styre av fond/legat, så langt dette ikkje er lagt til andre organ
• Oppfølgjing av byggeprosjekt over 5,0 mill. kroner, eller andre byggeprosjekt vedteke av kommunestyret
• Eigarstyring av selskap/føretak
• Eigedomsforvaltning, under dette eigarstyring av eigedommane til kommunen
• Fungera som “driftsutval” i saker som gjeld drift av bygg og anlegg, institusjonar m.v. Dette omfattar skule/SFO, barnehage, helse, omsorg, sosial og sektorovergripande tiltak, samt kultur, fritid, psykiatri og barnevernstenesta
• Overordna ansvar for samfunnstryggleik og beredskap
• Samferdsel og næringsutvikling
• Energiforvaltning, under dette overordna plan for  val av energiløysingar og investeringar i fornybar energi
• Svare på regionale og nasjonale høyringar av prinsipiell og/eller sektorovergripande art
• Beslutningsmyndigheit i rettstvistar (i prinsipielle saker)
• Vedta investeringar innanfor budsjettet, under dette oppfølging av framdrift i vedtekne investeringar
• Overordna ansvar for finans- og økonomiforvaltning, under dette låneopptak og lånegarantiar i samsvar med finansreglement og handlings- og økonomiplan.
• Medlemer frå formannskapet utgjer administrasjonsutvalet, saman med representantar for dei tilsette
• Formannskapet er kommunen sitt klageorgan jf. kommuneloven og forvaltningslova §28
• Formannskapet er klageorgan for administrative enkeltvedtak og vedtak gjort av folkevalde organ, unnateke vedtak gjort av formannskapet sjølv eller kommunestyret, og med dei unntak som går fram av reglement for handsaming av klagesaker i kommunen (jf. fullmakt til AFU (Ksak 078/12) 
• Formannskapet skal følgje opp kommunedirektøren si verksemd og leiarfunksjon, samt vurdera arbeids- og lønsvilkåra til kommunedirektøren ein gong i året

3.2 Mynde

3.2.1 Delegert mynde

Formannskapet blir gitt generell myndigheit til å gjera vedtak i alle saker i tråd med vedtekne plan- og budsjettrammer, så langt det ikkje kjem fram av lov eller forskrift at kommunestyret sjølv skal gjera vedtak i saka, eller kommunestyret har vedteke å leggja myndet til seg sjølv eller eit anna organ, jf. kommunelova § 5-6 siste ledd. Dette omfattar mellom anna følgjande mynde:

1. Myndigheit i alle saker innanfor ansvarsområda definert under pkt. 3.1.
2. Styresmakt som kommuneplanutval. 
3. Mynde i saker av prinsipiell karakter i høve til lov om offentlege anskaffingar
4. Mynde i saker i høve til handelslova
5. Mynde i saker av prinsipiell karakter i høve til opningstidslova
6. Mynde i saker av prinsipiell karakter i forhold til lov om heilagsdagsfred
7. Kjøp, sal makeskifte, pantsetting , forkjøpsrett m.v. av kommunen sine eigedomar (gjeld ikkje mindre parsellar)
8. Myndigheit til å gjera vedtak i saker som skulle vore avgjort av kommunestyret, når det er nødvendig å gjera eit vedtak så raskt at det ikkje er tid eller høve til å kalla inn kommunestyret, jf. kommune§ 11-8 i lova første ledd. Melding om hastevedtak skal leggjast frami det neste møtet i kommunestyret. I den grad det er nødvendig å gjera eit vedtak så raskt at det ikkje er tid eller høve til å kalla inn formannskapet er ordførar delegert tilsvarande mynde. 
9. Formannskapet kan oppretta arbeidsutval som består av medlemmer i formannskapet. Formannskapet kan gi arbeidsutvalet mynde til å gjera vedtak i saker som ikkje har prinsipiell betydning. Samansettinga av arbeidsutval skal så langt det er mogleg spegla den politiske samansetninga av formannskapet. 
10. Formannskapet er valstyret til kommunen og samevalstyre ved stortings- og sametingsval og kommuneval. Kommunestyret delegerer valstyret fullmakt til å velja/utnemna medlemmer til stemmestyra, og fullmakt til å gjera vedtak i andre saker i samband med val der kommunestyret sjølv ikkje skal vera avgjerdsstyresmakt i samsvar med lov eller forskrift. 
11. Formannskapet sine faste medlemmer oppnemnde som kommunale vigslarar for perioden 2023-2027 (Ksak 064/23)
12. Særskild styresmakt innanfor m.a. følgjande lover: 

1. Domstolloven § 68 første avsnitt
2. Kommuneloven 
   § 11-8 første avsnitt 
   § 20-3 sjette avsnitt
3. Skjønnsprosessloven § 4 – mynde til å avgjera om kommunen skal krevja rettsleg skjønn eller nytta rettsmiddel i prinsipielle skjønnssaker
4. Tvisteloven 
   § 1-4 a 
   § 2-1 – mynde til å avgjera om kommunen skal gå til søksmål eller nytta rettsmiddel i prinsipielle saker
5. Plan- og bygningsloven 
   §§ 16-2 første ledd, 16-5 og 16-6 – gjera vedtak om ekspropriasjon på bakgrunn av reguleringsplan vedteke av kommunestyret 
   § 18-9 – gjera vedtak om refusjon 

Andre saker som formannskapet skal handsame:

Oppdatert detaljoversikt over føresegner og særlover formannskapet har vedtaksmynde for skal komma fram av KF Delegering.

3.2.2 Innstillingsrett

I saker der formannskapet ikkje sjølv har avgjerdsmakt, innstiller formannskapet til kommunestyret i alle saker, med mindre anna følgjer av lov eller forskrift, eller kommunestyret sjølv har bestemt noko anna.

Formannskapet skal gi innstilling til kommunestyret når det gjeld kommuneplanen, både samfunnsdelen og arealdelen.

3.2.3 Rett til vidaredelegering

Formannskapet kan gi arbeidsutval dei sjølv har utnemnt mynde til å gjera vedtak i saker som ikkje har prinsipiell betydning.

Formannskapet kan delegera vidare makta si til å gjera vedtak i enkeltsaker og type saker som ikkje har prinsipiell betydning til hovudutval, ordførar og kommunedirektøren.

Formannskapet kan ikkje delegera vidare innstillingsretten sin.